माहिरा आबेद कुरेशीने केला रमजान चा रोजा (उपवास) पुर्ण*

Spread the love

धाराशिव योद्धा
हनुमंत पाटुळे

कळंब दि.२९( प्रतिनिधी ):- सध्या मुस्लिम धर्मियांचा पवित्र रमजान महिना सुरु आहे. या महिन्यात महिनाभर उपवास धरत अल्लाहची इबादत करत असतात. इस्लाममध्ये कलमा, नमाज, रोजा, जकात, हज हे पाच प्रमुख तत्व आहे. यात सात वर्षांनंतर रोजा ठेवणे बंधनकारक आहे. रमजान महिन्यात मुस्लिम बांधव मोठ्या प्रमाणात रोजे (उपवास) करतात. कळंब येथील सात वर्षीय माहिरा आबेद कुरेशी हिने आपल्याला देखील रोजा धरावयाचा आहे, असा हट्ट आपल्या आई-वडिलांकडे केला. यंदाचा रमजान महिना कडक उन्हाळ्यात आला आहे, म्हणून आई-वडील तीला नकार देऊ लागले.मात्र माहिरा काही ऐकेना आणि माहिराच्या जिद्दीपुढे आई-वडिलांनी हार मानत रोजा करण्याची परवानगी दिली. तर माहिराने देखील पुर्ण दिवसभर काहीही न खाता-पिता नमाजसह रोजा पूर्ण केला.माहिरा आबेद कुरेशी (वय 7 वर्ष ) चा रोजा पूर्ण झाल्याने तीचे आई, वडिल,मुस्लिम बांधवाकडून, मौलाना, धर्मगुरु, नातेवाईकांकडुन अभिनंदन व कौतुक केले जात आहे. माहिरा ही कळंब येथील सुप्रसिद्ध व्यापारी आबेद कुरेशी यांची मुलगी आहे.

Leave a Reply

Your email address will not be published. Required fields are marked *